За сите оние кои се подготвени за издвојат повеќе пари за својот примерок на новата „C Сlasѕ“ и на одреден начин да се разликуваат од останатите купувачи на овој модел, „Mercedes“ ја понуди ограничената серија „Edition 1“.
Како и кај останатите, слични верзии на другите модели на „Mercedes“, достапноста на „C Сlasѕ Edition 1“ нема да биде ограничена на произведени примероци, туку на временски период од една година.
Продажбата на овој модел ќе започне во април и ќе трае 12 месеци.
Пакетот „Edition 1“ е заснован на „Avantgarde“ стилскиот пакет на надворешноста, со истакнување на амблемот кој на луѓето ќе им даде до знаење дека оваа „C Сlasѕ“ е сепак посебна.
Покрај стандардните 19-инчни алуминиумски бандажи, во понудата ќе се најдат и специјални изборни алуминиумски со пет краци и со иста димензија, обоени во „Himalaya“ сива боја.
Кога станува збор за бојата на каросеријата, купувачите ќе можат да одберат неколку варијанти и тоа, црна, сребрена и бела боја.
Внатрешноста на автомобилот ќе биде со црна „Nappa“ кожа, која е комбинирана со белата боја и патосници од велур.
Купувачите ќе можат да се пофалат дека за издвоените пари го добиле и „AMG Line“ мултифункционалниот волан, исто така од црна „Nappa“ кожа и „designo“ двобојни кожни седишта.
