Според статистиката на „MetroScanner“, во „Windows Store“ постојат преку 150.000 aпликации кои се компатибилни со „Windows“ 8 и 8.1. Сепак, „Windows Store“ според бројот на апликации и натаму доста заостанува во однос на конкуренцијата.
„Windows 8“ е лансиран во октомври 2012-та година, а девет месеци подоцна во „Windows Store“ имаше 100.000 апликации. По дополнителните осум месеци, бројот на достапни апликации се зголемил за 50.000, што значи дека забави големиот раст.
Нормално, самиот број на достапни апликации не говори многу за нивниот квалитет и целокупното искуство во користењето на оперативниот систем. Во „Windows Store“ пристигнуваат важни апликации, а меѓу останатите, во поново време се достапни и „Facebook“, „Flipboard“ и „VLC“.
„Microsoft“ работи на соединување на развојниот процес на апликациите за „Windows“ и „Windows Phone“, a наскоро ќе биде можно едноставно развивање апликации за двете платформи со голем процент на заеднички код.
