Производителите на возила, јапонски „Нисан“ и германски „Дајмлер“, потпишаа договор за создавање на заедничка компанија во Мексико со еднакво вложување во капиталот.
Новата компанија ќе ги произведува нивните репрезентативни брендови „Инфинити“ и „Мерцедес Бенз“.
Според извори блиски до компаниите, фабриката ќе биде сместена во Агваскалијетес (сојузна држава на северот на централно Мексико), каде ќе се произведуваат најновите генерации на „Мерцедес ГЛА“, како и новиот модел на „Инфинити“.
Засега ниту еден од производителите не ја коментираше оваа информација, па затоа останува да се види дали овој договор навистина ќе се реализира.
