Откако „Facebook“ го купи „WhatsApp“ зa 19 милијарди долари, сите погледи се насочени кон овој сервис.
„Windows Phone“ верзијата на „WhatsApp“ е во процес на „бета“ тестирање пред новото ажурирање да пристигне во „Windows Phone Store“.
Најновото видео кое е објавено ни ги покажува новите функции кои ги има ова ажурирање, т.е. прво корисниците на оваа „Windows Phone“ апликација на располагање ќе имаат разговори во позадина, прилагодување на звуците за известување, контрола на приватноста и други функции.
Видеото ни го покажува и тоа како различни аларми можат да бидат поставени за индивидуални или групни разговори, како и тоа поединци од листата да имаат посебна позадина.
