Европскиот парламент го поддржа предлог законот според кој за три години на територијата на Европската унија ќе биде воведен задолжителен универзален полнач за мобилни телефони.
Предлогот има поддршка од сите 28 земји членки на Унијата и останува Европската комисија да донесе прописи како ќе изгледа универзалниот полнач и условите под кои ќе биде регулиран.
Доколку се усвои во актуелната форма, овој закон ќе се однесува сите радио производи, односно на било која опрема што прима или емитува радио бранови со цел за комуникација, вклучително мобилни телефони, ГПС системи и таблет уреди.
Според ЕК овој закон е директен одговор за загриженоста на потрошувачите.
– Мора да имаме универзален полнач за сите мобилни телефони и сите граѓани се за тоа, изјави еврокомесарката за дигитален развој Нели Крос.