„Volvo“ на саемот во Женева го претстави третиот претставник од серијата концептни автомобили – „Concept Estate“. Во компанијата велат дека „Estate“ дополнително ќе го нагласи дизајнерскиот јазик на „Volvo“, но истовремено го прикажува и изгледот и функционалноста на ентериерот на идните модели на „Volvo“.
Овој концепт ни претставува нов пристап во организацијата на командите во ентериерот. Традиционалните прекинувачи и контроли се заменети со голем контролен панел во централната конзола, односно голем екран кој е чувствителен на допир, исто како кај таблетите.
Инаку концептите на „Volvo“ постигнаа неколку успеси на саемите кои се одржуваа пред женевскиот.
„Concept Coupé“ e именуван за најдобар автомобил на саемот во Франкфурт, додека „Concept XC Coupé“ ја освои престижната награда „Eyes ON Design“ во Детроит. Глобалното внимание кон концептните возила на „Volvo“ е се поголем, со оглед на тоа дека тие ја најавуваат доглоочекуваната нова генерација на „SUV“ моделот „XC90“ кој ќе пристигне во 2014-та година.
Новите „Volvo Drive-E“ мотори засега се достапни во моделите „V40“ и „V40 Cross Country“. Понудата во почетокот вклучува два мотори од „Drive-E“ серијата, а тие се четирилитарски агрегати – „T5“ турбобензинец со 245 KS и „D4“ турбодизел од 190 KS.
Од мај 2014-та година, сите нови модели на „Volvo“, освен моделот „XC90“, ќе бидат достапни со новата серија на мотори на компанијата.
Oд останатите премиери во Женева, тука се и „Volvo V70“ и „XC70 Edition“ и петата генерација на моделот „Volvo Ocean Race Edition“. Пакетот „Volvo Ocean Race“ е инспириран од светот на едрењето, а е достапен во моделите „V60“, „V40“, „V40 Cross Country“ и „XC60“, а подразбира посебни бои, тркала и детали во ентериерот.
Моделите „V70“ и „XC70 Edition“ се наменети за купувачи кои сакаат динамичен изглед и возни особини со посебни дизајнерски детали.