ŠKODA продолжува со својата моделска офанзива. Новата ŠKODA Octavia Scout ја има својата светска премиера на автомобилскиот саем во Женева. Робусно возило за сите патишта со карактеристичен заоблен спортски off-road изглед, иновативен погон на сите тркала, најдобри перформанси на нерамни патишта и висока флексибилност на и надвор од патот.
” Новата ŠKODA Octavia Scout навистина е паметно offroad возило во секој поглед – тие епитети кај Škoda мора да се заслужат”, изјави д-р Френк Велш, член на одборот на директори за технички развој. ” Нашиот нов модел е Scout (извидник) во најдобрата смисла и им нуди на клиентите единствен пакет, кој се состои од впечатливи off-road елементи, импресивни карактеристики на погонот на сите тркалата, многу простор, безбедност, удобност и нови технологии на моторите. Новата Octavia Scout поставува нови стандарди во сегментот на кросовер возила.”
Новата ŠKODA Octavia Scout е направена врз основа на Octavia Combi, а ја карактеризира доминантниот, специфичен изглед. И предниот и задниот дел изгледаат моќно, со off-road додатоци во црна боја со дополнителни елементи во сребрена боја. Во предниот дел има широки отвори за воздух и светла за магла. Праговите на вратите и лаковите на тркалата исто така се обложени со црни off-road елементи, со дополнителни црни заштитни странични лајсни. Растојанието од подлогата е зголемено за 33 mm во споредба со стандардниот Octavia модел. 17 инчните алуминиумски тркала доаѓаат како стандард. Во внатрешноста возилото има 3 крак повеќенаменски кожен управувач специјално дизајниран за Octavia Scout.
Погонот на сите тркала е направен според последниот збор на технологијата , врз основа на Haldex -5 спојката, новите технолошки карактеристики ја прават новата Octavia Scout најдобра досега. Силата за влечење е зголемена за 25 %, до два тона. Покрај тоа, стартните перформанси и како и моќта за искачување на угорнини значително се зголемени. Благодарение поголемите влезни и излезни агли, возилото може да помине и потешки терени. На располагање има два дизел мотори и еден бензински. Моторите се 20% поекономични во споредба со претходниот Octavia Scout модел.
Накратко, новата ŠKODA Octavia Scout ги поседува сите на вредности на новата Octavia – само што Scout е малку повеќе од автомобил”: најмногу простор во класата, максимална функционалност, практични и „Едноставно паметни” решенија, врвна безбедност и удобност, најнова технологија и непобедлив сооднос квалитет / цена.