Според податоците со кои располага „Net Applications“, „Microsoft Internet Explorer 11“ за помалку од шест месеци од постоењето веќе се најде на второто место на најкористени интернет пребарувачи на персоналните компјутери.
Во февруари 2014-та година завзема дури 12,8 проценти од пазарот, додека првата позиција и натаму ја држи „Internet Explorer 8“.
„Net Applications“ овие податоци ги доби врз основа на 160-те милиони единствени посети на 40.000 интернет страни, а „Internet Explorer 8“, кој го има на оперативните системи „Windows XP“, „Vista“, „7“ и „8/8.1“, држи удел од дури 21,73 проценти.
„Google Chrome 32“ сe наоѓа на третото место на листата со 9,86 отсто, а верзијата „33“ според податоците има 3,7 проценти.
„Mozilla Firefox“ е малку полош, со верзиите „27“ и „26“ кои имаат соодветно 7,9 отсто и 5,78 проценти удел.
„Opera“ не се подобри по наглиот пад од пред неколку месеци и забележа удел од само 1,23 проценти, додека пребарувачот на „Apple – Safari“ се наоѓа на 5,67 проценти од персоналните компјутери.
