Компанијата „OnePlus“ уште минатата година вети дека ќе произведе „совршен паметен телефон“ по неверојатно ниска цена.
Директорот на компанијата Пит Лау на мрежата Гугл + потврди дека новиот апарат ќе чини помалку од 500 долари и не станува збор за цена од „499 долари“.
Ветувањето е фантастично, ако се земе предвид дека компанијата најави користење на најдобрите компоненти и технички карактеристики познати од „палетата“ за 2014 година, во секој сегмент.
Тоа значи дека треба да се очекуваат врвни перформанси, но и соодветно квалитетен екран и камери на апаратот.
За софтверот би требало да се погрижи Андроид во CyanogenMod издание, што не претставува лош почеток на приказната.
Засега е познато само дека се достигнати конечните технички карактеристики, а прототипот се наоѓа во фаза на тестирање.
