„Apple“ и официјално го најави „CarPlay“, новиот интерфејс во автомобилите кој ќе биде компатибилен со новите модели на „Ferrari“, „Mercedes“ и „Volvo“. Се очекува овој новитет да биде претставен на саемот во Женева.
Овој систем е дизајниран да го премости јазот меѓу вашиот смартфон и автомобилот, а ќе понуди гласовна навигација на смартфонот базирана на функцијата „Siri“. Ова значи дека „CarPlay“ со поврзување на вашиот „iPhone“ со системот во автомобилот, можете да добивате повици, пораки и многу повеќе од тоа, користејќи го „Siri“ и вашиот глас.
„CarPlay“ е достапен за паметните телефони „iPhone“ кои работат на платформата „iOS 7“ со „Lightning“ конектор, меѓу кои се наоѓаат моделите „iPhone 5S“, „iPhone 5C“ и „iPhone 5“.
„Apple“ има во план и голем број на други производители на автомобили да го интегрираат „CarPlay“, a во листата се вклучени и „BMW“, „Ford“, „General Motors“, „Honda“, „Hyundai“, „Jaguar“, „Land Rover“, „Kia Motors“, „Mitsubishi Motors“, „Nissan Motor Company“, „PSA Peugeot Citroen“, „Subaru“, „Suzuki“ и „Toyota“.
