Новиот „BMW“ кросовер, чија концептна верзија е прикажана на саемот за автомобили во Шангај 2013-та година, ќе биде претставен на 6-ти март, соопшти германскиот производител.
Иако оваа вест стигна само неколку дена пред почетокот на женевскиот авто-саем, „X4“ нема да биде изложен на штандот на „BMW“. Наместо тоа, баварската компанија одлучи за време на траењето на оваа манифестација да одржи интернет презентација на моделот „X4“, a првото појавување пред публика најверојатно ќе се случи во април на саемот за автомобили во Њујорк.
„BMW X4“ во основа е помала верзија на моделот „X6“. Автомобилот ја користи платформата од „BMW X3“, ќе биде со слични димензии, а ќе има нешто пониска, купе силуета. Погонските единици генерално ќе бидат превземени од палетата на мотори на моделот „X3“.
„X4“ ќе пристигне во продажните салони во втората половина на 2014-та година.
Погледнете го видеото со кое „BMW“ го најавува својот нов купе кросовер: