Пред пет години „Sports Illustrated“ објави преголема статија за финансиската состојба на пензионираните спортисти. Според податоците тогаш, 78% од поранешните натпреварувачи од „НФЛ“ запаѓаат во финансиски тешкотии во рок од две години по откажувањето од спортот. Кошаркарите од НБА, кои добиваат највисоката просечна плата во спортот (5 милиони долари), исто така не се во многу добра состојба, а 60% од нив банкротираат во рок од пет години по откажувањето.
Главните причини за тоа се лошите инвестиции, краткиот период во кој тие добиваат приходи, нивните најголеми забави и најскапи разводи. Мајк Тајсон , Ивандер Холифилд, Ален Ајверсон и Антоан Вокер заработиле над 100 милиони долари во кариерата и успеваат да потрошат поголем дел од овие пари. Кај други спортисти сепак милионите продолжуваат да се собираат и по крајот на нивната кариера. Но, некои од нив дури заработиле повеќе пари, отколку кога се натпреварувале.
Од „Forbes“ подготвија листа на 12-те најдобро платени пензионирани спортисти. Секој од нив заработил најмалку по 12 милиони долари во 2013-та година. Во оваа листа се вклучени спортисти од неколку спортови, а некои од нив се најдобри на сите времиња во својот спорт. Како извори на приходи од „Forbes“ ги вклучиле платите, рекламните договори, договорите за лиценцирање, држење на говори и посети на настани, дизајн на терени за голф и издавање на книги. Во ова рангирање не се вклучени инвестициските приходи. Еве ги и нив:
1. Мајкл Џордан.
Надоместоци за 2013-та година: 90 милиони долари.
Прекинал: 2003-та – Возраст: 51 година.
Сериозните приходи на Џордан доаѓаат претежно од марката на „Nike“ – „Jordan“, која во моментов има годишни приходи од околу 2 милијарди долари. Џордан добива дел од секој продаден пар патики, маица или шорцеви од брендот. Долгогодишните партнери „Gatorade“, „Hanes“, „Upper Deck“ и „Five Star Fragrances“, се уште му плаќаат затоа што е рекламно лице, како и „2K Sports“ и „Novant Health“. Џордан поседува 80 % од Шарлот Бобкетс. Тимот од НБА минатата година забележа добивка, откако во пет сезони имаше сериозни загуби.
2. Арнолд Палмер.
Надоместоци за 2013-та година: 40 милиони долари.
Прекинал: 2006-та – Возраст: 84 години.
Палмер го освои својот последен турнир од 62-те во „PGA“ во 1973-та година, но 2013-та година е најдобрата година во однос на приходите. Истоимениот бренд на пијалоци е бизнис вреден 200 милиони долари годишно и претставува речиси 25% од приходите на „AriZona Beverages“. Името Палмер се наоѓа на територијата на цела Азија. Тој има 400 продавници во Азија, кои го носат неговото име и продаваат облека и кожни производи.
3. Дејвид Бекам.
Надоместоци за 2013-та година: 37 милиони долари.
Прекинал: 2013-та – Возраст: 38 години.
Бекс ги закачи копачките минатата година, а негови сегашни спонзори му се „Coty“ и „H & M“. Минатата година тој склучи договори во Азија со компании како „Sands“, „China Auto Rental“ и Кинеската Супер лига. Најновиот потфат на Бекам е создавање на нов клуб од американската „MLS“ во Мајами.
4. Џек Никлаус.
Надоместоци за 2013-та година: 30 милиони долари.
Прекинал: 2005-та година – Возраст: 74 години.
Победникот на 18 од главните турнири во голфот го создава брендот „Nicklaus Design“ пред речиси 45 години. Оттогаш компанијата проектира над 380 голф терени во 36 земји и 39 американски држави, а самиот Никлаус учествувал во 290 од овие проекти. Во моментов компанијата работи на 55 проекти и повеќето од нив се во Азија.
5. Меџик Џонсон.
Надоместоци за 2013-та година: 22 милиони долари.
Прекинал: 1996-та година – Возраст: 54 години.
Петкратниот шампион во НБА заработил над 100 милиони долари од продажба во 2010-та година на 105 кафулиња „Starbucks“ и својот 4,5- процентен удел во Лос Анџелес Лејкерс. Џонсон продолжува да има удели во безбол тимот Лос Анџелес Доџерс и тимот од женската „НБА“, Лос Анџелес Спаркс. Освен спортот, бизнис империјата на Џонсон вклучува осигурување, здравство, храна услуги и друго.
6. Шекил О’Нил.
Надоместоци за 2013-та година: 20 милиони долари.
Прекинал: 2011-та година – Возраст: 41 години.
Шестиот најдобар реализатор во НБА го одржува својот бренд преку многуте следбеници во социјалните медиуми, меѓу кои 8 милиони луѓе на „Twitter“. Шек има рекламни договори со „IcyHot“, „Buick“ и слушалките „Monster“, како и лиценцни договори со „Macy’s“, „Zales“ и „AriZona Beverage Co“. Вкупно 100 милиони пара патики од неговата линија „Shaq/Dunkman“ се продадени во светот.
7. Гери Плеер.
Надоместоци за 2013-та година: 19 милиони долари.
Прекинал: 2009-та година – Возраст: 78 години.
Третиот член на големата тројка во голфот се откажа последен во 2009-та година. Тој се занимава со дизајнирање на терени за голф и во моментов неговата компанија работи над 40 проекти, а само два од нив се во САД. Меѓу спонзорите му се „Callaway“, „Rolex“ и „SAP“.
8. Вејн Грецки.
Надоместоци за 2013-та година: 17 милиони долари.
Прекинал: 1999-та година – Возраст: 53 години.
Грецки продолжува да е сериозно рекламно лице, претежно во Канада. Минатата година, на веќе постоечките рекламни договори со „TD“, „Samsung“, „Breitling“ и „Bigelow“, тој ги додаде „Fairfax Capital“ и „Upper Deck“. Тој исто така има бизнис со вино, кој исто така добро му работи. Минатата година Грецки доби 8 милиони долари од „NHL“ поради одложено плаќање на плата во времето кога играл за тимот на Феникс.
9. Грег Норман.
Надоместоци за 2013-та година: 16 милиони долари.
Прекинал: 2012-та година – Возраст: 59 години.
Норман не играл на професионален голф турнир од 2012-та година. Тој е познат како „Ајкулата“ и во кариерата освоил 91 турнир. Неговите деловни потфати вклучуваат вино, облека, очила, управување со средства и друго. Меѓу неговите спонзори се „Johnnie Walker“, „Omega“, „Sandals“, „Dow“, „Cobra Golf“, „Pacific Links“ и „Club Car“.
10. Пеле.
Надоместоци за 2013-та година: 15 милиони долари.
Прекинал: 1977-та година – Возраст: 73 години.
Иако ја прекинува кариерата пред речиси 40 години, минатата година Пеле беше избран за највлијателна бразилска славна личност. Тој има рекламни договори со „Procter & Gamble“, „Santander“, „Vivo“, „Volkswagen“, „Hublot“, „Carrefour“, „Subway“ и авиокомпанијата „Emirates“.
11. Сачин Тендулкар.
Надоместоци за 2013-та година: 13 милиони долари.
Прекинал: 2013-та година – Возраст: 40 години.
Индиската легенда во крикет се откажа од спортот во ноември по 24-годишна кариера, но продолжува да биде силно рекламно лице. „Adidas“, „Coca Cola“, „Future Group“, „Toshiba“, „Aviva India“ се меѓу споснорите на Тендулкар.
12. Роџер Стаубах.
Надоместоци за 2013-та година: 12 милиони долари.
Прекинал: 1979-та – Возраст: 72 години.
Стаубах создава компанија за недвижности во 1977-та година уште додека игра за Далас Каубојс. Компанијата е продадена на „Jones Lang Lasalle“ во 2008-та година за вкупно 640 милиони долари, кои се исплатени на рати. Стаубах поседувал 12% од компанијата, кога ја продал. Тој вложил половина од својот удел во доверителски фонд за своите деца. Минатата година била последната исплата на трансакција, која вклучува и дополнителни 36.9 милиони долари за тоа дека компанијата постигнува одредени цели. Приходите на Стаубах изнесуваат околу 4 милиони долари насочени кон доверителскиот фонд за неговите деца.