Неодамна се појавија информации за тоа дека „Citroen“ за крајот на 2015-та година подготвува луксузен седан „DS6“ (должина од околу 5 метри). Тие со овој модел ќе се обидат да привлечат дел од купувачите на „Audi A6“, „BMW Serieѕ 5“ и „Mercedes E сlasѕ“. Но сега се појавија информации дека и „Peugeot“ врз база на „DS6“ го планира својот иден модел.
Станува збор за „Peugeot 608“ за кој меѓу останатото се најавува и четири зонски клима уред, мултимедијален систем со екран чувствителен на допир, „Head-up“ дисплеј и систем за препознавање на сообраќајните знаци.
Како и за „Citroen DS6“, и за „608“ од моторите се споменуваат бензинци со моќ до 240KS и дизел агрегати до 200KS, a за подоцна може да се очекува и верзија со хибриден погон.
Продажбата на „Peugeot 608“ треба да почне во текот на 2017-та година и тоа по цена од околу 32.000 евра за основната верзија.
