„McLaren“ ги објави официјалните податоци за перформансите на својот нов модел кој ќе биде претставен на женевскиот авто-саем.
Придвижуван од 3.8-литарски „V8 twin-turbo“ мотор со 650 ks (478 kW), „McLaren 650S“ од место до „стотка“ стигнува за точно 3 секунди.
Кога стоперката ќе покаже 8,4 секунди, на дигиталниот брзинометар веќе се покажува брзината од 200 km/h, a во британскиот производител нагласија дека е тоа за една секунда подобар резултат од легендарниот „McLaren F1“.
Да ја достигне брзината од 300 km/h, на „McLaren 650S“ му се потребни 25,4 секунди, а максималната брзина која овој автомобил може да ја развие изнесува 333 km/h.
За да може моделот „650S“ да сопре при брзина од 100 km/h, потребно му е 30,5 m, доколку е опремен со гумите „Pirelli P Zero Corsa“. При двојно поголема брзина за сопирање ќе му бидат потребни 123 m, a зa успорување од 300 km/h дo нула ќе му требаат 271 m.
