Новиот бизнис во Кина е склопување на „Frankenstein iPhone“ од стари делови, по што следи полирање на куќиштето, пакување како нов и продажба по цела цена на различни пазари. Поголемиот број на луѓе тешко можат да познаат дали станува збор за таков уред или некој нов.
Поради евтината работна сила, во Кина се појавија голем број на магацини со „армија на техничари“ кои ги расклопуваат старите уреди за да ги направат како „нови“, пишува „Daily Mail“. Бизнисот е толку профитабилен, така што од западните пазари во Кина се увезуваат користени и неисправни примероци од смартфонот на „Apple“, за подоцна нивните делови да се искористат или дури само да се исполираат, за потоа да се пласираат на пазарот како „Frankenstein iPhone“.
Како можете да проверите дали вашиот уред е таков? Основен совет е да видите дали одговара бројот на уредот „IMEI“ со тој што се наоѓа на кутијата. „iPhone“ не би требало да биде активиран, во спротивно некој веќе го има користено. Држачот на „SIM“ картичката исто така има „IMEI“ и сериски број како целиот уред.
Постои можност овие три работи да не се доволни да се препознае автентичноста на уредот. Како што дознава „Daily Mail“, тоа би било можно да се провери само и исклучиво со отворање на уредот. Освен техничари задолжени за хардвер, тука се и специјалисти кои се грижат за кодовите кои уредот го прават да не се разликува од „оргиналниот“. Фотографиите и целата приказна можете да ја прочитате на следниов линк:
