„Mobile World Congress“ во Барселона започнува, а меѓу првите големи уреди кои се претставени се двата нови паметни часовници на „Samsung“.
„Gear 2“ и „Gear 2 Neo“ пристигнуваат многу бргу по првата генерација, а покрај благите промени во дизајнот, најголемата разлика е во тоа што тие сега работат на палтформата „Tizen“, а не на „Android“.
Часовниците се компатибилни со повеќе од десет уреди од серијата „Galaxy“ на „Samsung“.
За разлика од претходникот, на „Gear 2“ сега камерата е интегрирана во часовникот, додека „Neo“ нема камера. Двата можат да бидат и лични фитнес тренери со вграден монитор за работа на срцето и педометар, а сега се и самостален музички плеер.
Во продажните салони ќе се појават во текот на април месец, но засега не е позната цената на овие два уреди.
Спецификации:
Екран: 1,63-инчен „Super AMOLED“ со 320×320 пиксели.
Процесор: двојадрен на 1 GHz.
„OS“: „Tizen“
Kамера: 2 мегапиксели на „Gear 2“, „Neo“ без камера.
Видео: 3GP, MP4, HD 720p снимање и плејбек.
Меморија: 4 GB интерна и 512 RAM.
Батерија: 300 mAh (2-3 дена со едно полнење).
