Персоналниот асистент на „Apple“ – „Siri“ наскоро би можел да добие сериозна конкуренција.
„Yahoo“ се обидува да го персонализира користењето на смартфони и неодамна на Универзитетот „Карнеги Мелон“ му одобри грант од 10 милиони долари за да успеат да им помогнат на компјутерите да ги разберат потребите и желбите на корисникот, многу повеќе детално, па дури и да му поставуваат прашања.
Ова партнерство наречено „Project InMind“, ќе трае 5 години и на истаражувачите ќе им даде можност да користат голема база на податоци која ја поседува „Yahoo“.
Колегите од „Yahoo“ ќе развиваат и тестираат програми кои ќе се обидат да го разберат и предвидат човековото однесување.
Овој договор исто така вклучува и развивање на „природното процесуирање на зборовите“, кое ќе им овозможи на корисниците да комуницираат со своите смартфони.
Ова партнерство е резултат на серијата потези на Извршната директорка, Мариса Мајер да го забрза развојот на мобилните производи, кои го пресонализираат корисничкото искуство базирано на податоци.
