За наследникот на моделот „HTC One“ веќе некое време пристигнуваат неофицијални информации, но сега компанијата испрати покани за настан на кој би требало уредот да биде претставен.
Презентацијата ќе се одржи на 25-ти март паралелно во Њујорк и Лондон. Ова е околу еден месец по завршувањето на саемот „Mobile World Congress“, a се потврдува теоријата дека производителите ги избегнуваат големите саеми за претставување на главните уреди.
Според претходните достапни спецификации, наследникот на моделот „One“ ќе има 5-инчен екран со резолуција од 1080p, четиријадрен процесор „Snapdragon 800“, 2 GB RAM и камера со два сензори.
