Додека целиот свет се уште збори за мобилната сензација „Flappy Bird“ која на својот креатор му носеше дневен приход од 50.000 долари, „BusinessInsider“ спомена друга мобилна игра која има неверојатна заработка.
Според податоците на „AppDate“, мобилната стратегиска игра „Clash of Clans“ секој ден заработува околу 654.000 долари.
Интересно, играта е бесплатна за превземање, а приходите доаѓаат од продажбата на виртуелните предмети и подобрувања, внатре во самата игра. Оваа игра ја изработи финското студио „Supercell“, кое минатата година продаде половина од своите акции на јапонскиот „Softbank“ за 1,53 милијарди долари.
„Clash of Clans“ беше претставена во 2012-та година за „iOS“ мобилната платформа, а подоцна стана достапна и за „Android“ уредите.