Во текот на викендот „Apple“ ја отвори својата прва продавница во Бразил. Пред вратите имаше редица од околу 1.700 нетрпеливи граѓани.
Продавницата се наоѓа во Рио де Жанеиро и веќе постави рекорд – таму се продава најскапиот „iPhpne 5s“. Моделот без договор се продава за 2.799 бразилски реали или 1.174 долари. За споредба – во САД телефонот чини 649 долари, во Кина – 872 долари, а во Италија 996 долари.
Секако, не сите пари од него одат директно кај „Apple“. Голем дел од сумата се должи на даноците и давачките, иако не е познато колку точно. Бразил е 15-тата земја каде „Apple“ има свои продавници. Таа е и во топ 10 по користење на смартфони – 50 милиони претплатници уживаат во своите „паметни“ телефони, според податоци од крајот на 2013-та година.
