По номинациите за најдобар автомобил на годината во Европа, објавени се финалистите во изборот за „Светски автомобил на годината“. Името на победникот ќе биде соопштено на 17-ти април на саемот во Њујорк.
Покрај изборот за автомобил на годината на европскиот пазар, кој се одржува во рамките на женевскиот авто-саем, вниманието на јавноста го привлекува и натпреварувањето „Светски автомобил на годината“ (World Car of the Year). Овој избор е ограничен на возила кои се достапни само во одредени региони, но вклучува и нови,глобално присутни модели.
Оваа година во потесниот избор влегоа 12 модели: „Audi A3 Sedan“, „BMW Serieѕ 4 Coupe“, „BMW i3“, „Cadillac CTS“, „Citroen C4 Picasso“, „Ford Fusion / Mondeo“, „Infiniti Q50“, „Jeep Cherokee“, „Lexus IS, Mazda 3“, „Peugeot 308“ и „Škoda Octavia“.
Победникот ќе биде познат некаде на половината на април, а претходната година оваа престижна титула му припадна на моделот „Volkswagen Golf 7“.
Паралелно со изборот за светски автомобил на годината, гласање се врши и во следниве категории: Најдобар луксузен автомобил, Најдобар спортски автомобил, Најдобар еколошки автомобил и Најдобро дизајниран автомобил.
Кандидати за титулата Најдобар луксузен автомобил за 2014-та се: „Bentley Flying Spur“, „BMW X5“, „Cadillac ELR“, „Cadillac Escalade“, „Maserati Ghibli“, „Maserati Quattroporte“, „Mercedes S сlasѕ“, „Porsche Macan“, „Range Rover Sport“ и „Rolls-Royce Wraith“.
За најдобар спортски автомобил ќе се борат следниве модели: „Alfa Romeo 4C“, „Audi RS 6 Avant“, „BMW M6 Gran Coupe“, „Chevrolet Corvette Stingray“, „Ferrari 458 Speciale“, „Ford Fiesta ST“, „Lamborghini Aventador LP700-4 Roadster“, „Mercedes A 45 / CLA 45 AMG“, „Porsche 911 GT3“, „Porsche 911 Turbo“ и „Volkswagen Golf GTI“.
Кога станува збор за титулата најдобар „зелен“ автомобил во потесниот избор се најдоа 5 модели: „Audi A3 Sportback e-tron“, „BMW i3“, „Honda Accord Hybrid“, „Mitsubishi Outlander PHEV“ и „Volkswagen XL1“.
За тоа кој е најдобро дизајнираниот автомобил кој се појавил во изминатава година, жирито ќе одлучува помеѓу седум модели, а тие се: „BMW i3“, „Cadillac CTS“, „Citroen C4 Picasso“, „Mazda 3“, „Lexus IS“, „Mercedes C сlasѕ“ и „Volkswagen XL1“.