Според „Phandroid“, блогот специјализиран за вести околу оперативниот систем „Android“, „Samsung“ има во план да ја понуди надоградбата на најновата верзија на „Android“, „KitKat 4.4“ за барем десет свои уреди. „Phandroid“ овие информации ги темели на неименуван извор.
Надоградбата ќе биде достапна за група на релативно нови паметни телефони и таблети. За сега станува збор за специфични уреди изработени за одредени американски телекомуникациски оператори, а листата со тек на време може да биде проширена.
Некои од споменатите уреди се „Samsung Galaxy S4“, „Samsung Galaxy S4 Active“, „Samsung Galaxy S4 Zoom“, „Samsung Galaxy Note 8.0“, „Samsung Galaxy Note 3“, „Samsung Galaxy Note 2“, „Samsung Galaxy Mega“, „Samsung Galaxy Tab 3 7.0“, „Samsung Galaxy S3“ и „Samsung Galaxy S3 Mini“. Не е одредено кога точно споменатите уреди ќе добијат можност за надоградба.
