„Microsoft“ минатата година на два пати организираше откуп на уредите на „Apple“, така што со превземените уреди издаваше подарок кој можеше да се потроши само во нивните продавници при купување на нов „Microsoft“ производ.
Новата акција започна во почетокот на февруари врз основа на истиот принцип, само што овој пат наместо 200 долари, своите уреди можат да ги заменат за смарфоните „Lumia 1020“ или „1520“. Новина од сега е тоа што во акција се вклучени и корисниците кои имаат смартфон кој работи на „Android“ оперативниот систем, поточно сите оние кои го имаат моделот „Samsung Galaxy S2“.
Акцијата важи само за американските корисници кои до 2-ри март оваа година ќе го донесат својот „iPhone 4“, „4S“ или „Samsung Galaxy S2“ во една од продавниците на „Microsoft“. За да може да се замени уредот со „бесплатен“ „Nokia Lumia 1020“ или „Nokia Lumia 1520“, приложениот уред мора во целост да биде исправен и без видливи оштетувања, а притоа мора да се донесе и оргиналниот полнач.
Сепак, во понудата има и една „замка“. За да се оствари правото на бесплатен смартфон „Lumia“ корисниците мораат да потпишат и двегодишен договор со операторот „AT&T“.
