Нокиа го подготвува првиот смартфон со Андроид оперативен систем „Норманди“, што треба да биде претставен на Саемот во Барселона.
Норманди или Нокиа Х е смартфон наменет за пазарите во развој. Досега моделите на Нокиа за овој пазар беа Аша, а сега на нивно место ќе дојде Норманди со значително изменет Андорид опретивен систем и хардверски дел од Нокиа.
Апликациите и сервисите на Норманди ќе биде „модифицирани“ со специјален интерфејс што претставува комбинација на Виндоус и МиГоа.
Норманди има екран од четири инчи со резолуција од 854х480 пиксели, двојадрен процесор од еден гигахерц и 512 мегабајти работна меморија.
Смартфонот ќе има камера само на задниот дел од пет мегапиксели.
Дизајнот на Норманди значително потсетува на Лумиа серијата на Нокиа и ќе биде достапен во шест различни бои.
Премиерата на уредот ќе биде Саемот во Барселона, каде Нокиа најавува голема конференција уште на првиот ден.