„Google“ и оваа година организира „Pwnium“, натпреварување на кое безбедносните експерти ќе се обидат да го пробијат оперативниот систем на „Google“ – „Chrome“ и за тоа парично ќе бидат наградени.
Оваа година наградниот фонд изнесува 2.7 милиони долари. Учесниците во зависност од подвигот ќе бидат наградени со 110.000, односно 150.000 долари, а сите оние кои дополнително ќе пронајдат импресивни или изненадувачки грешки во системот, дополнително ќе бидат наградени.
За разлика од досегашните изданија на „Pwnium“, на кои бе користени уреди базирани на „Intel“, oваа година истражувачите ќе можат да избираат меѓу компјутерите „Chromebook“ засновани на микроархитектурата на „ARM“ или „Intel Haswell“.
„Pwnium 4“ ќе се одржи во март месец на безбедносната конференција „CanSecWest“ во Ванкувер.
