Ако може да се суди според животниот век на „MySpace“, најголемата мрежа пред „Facebook“, лошо му се пишува на Цукерберг.
„Facebook“ е предмет на многу истражувања, како феномен кој навистина го промени светот, но на познатата социјална мрежа не и предвидуваат светла иднина, туку спротивно.
Имено, Џон Канарела и Џошуа Спечлер се обиделе да го проследат животот и смртта на друштвените мрежи, а како очигледен пример ја земале „MySpace“, најголемата друштвена мрежа пред појавувањето на „Facebook“.
Користејќи го моделот на ширење на заразни болести, истражувањето ја проучувало динамиката за прифаќање и отфрлање на друштвените мрежи и според тоа резултатите не се баш најдобри за „Facebook“.
Како што тврдат авторите, идеите се шират како зараза меѓу луѓето, токму како болест, пред да изумрат. Па според нивната проценка, „Facebook“ во следните три години би требало да изгуби 80 проценти од корисниците со што ќе биде фрлен меѓу „обичните луѓе“.
Се сомневаме дека Цукерберг е инспириран од епидемиолошките модели, но како што во последно време се повеќе го губи компасот, обидувајќи се да извлече што е можно повеќе пари од рекламирањето, овој модел и не изгледа така неверојатен.
