Претседателот на компанијата „Infiniti“, Јохан де Нисшен ја објави својата желба, компанијата која ја предводи да претстави нов под-бренд во кој ќе бидат претставени возила со високи перформанси. Според него овој бренд би требало да биде директна конкуренција на моделите на „BMW M“ и „Mercedes AMG“.
Тој исто така вели дека не секој поединечен модел ќе има своја верзија со високи перформанси, но смета дека е потребен бренд во кој ќе се претставуваат автомобили со високи перформанси.
„Performance Line“ е прв пат споменат со претставувањето на купе моделот „IPL G“ од 2010-та година. Овој модел го карактеризира спортски тјунирана суспензија, сопирачки со високи перформанси, како и подобрен мотор кој развива 348ks и 374NM вртежен момент, што е скромно подобрување од 18ks и 8Nm.
