Денес официјално започна со работа првиот ресторан на „Гудис“ во „Веро центарот“, со што скопјани ќе ја имаат уникатната можност први да го посетат реномираниот ресторан за брза храна и да уживаат во оригиналните и префинети вкусови од овој бренд. Ова е првиот ресторан што се отвора во Скопје од ланецот на познатите грчки ресторани за брза храна, за кој франшизата ја има Веро („Веропулос“ ДООЕЛ Скопје).
„Првиот „Гудис“ туку што ги отвори своите врати во Скопје. Од самиот почеток беше тема која го привлече вниманието во јавноста, а се надевам во наредните денови и место каде сите ќе посакаат да дојдат. Сигурен сум дека Гудис ќе стане место каде вкусот, квалитетот и пријателската услуга ќе креират вистинска причина секој од посетителите да го доживeе своето лично „Гудис искуство“., изјави Јоргос Василарас, Директор за интернационален развој на Гудис
„Среќни сме што имаме можност на скопјани да им понудиме ново место на мапата на ресторани, место со вкусна и деликатесна храна, да ги понудиме уникатните вредности на медитеранската кујна. Квалитетна и брза услуга од нашите вработени, разновидна храна подготвена според највисоките стандарди за квалитет, со специфичен медитерански вкус. Задоволни и насмеани потрошувачи се нашиот императив и ќе се потрудиме да им овозможиме извонредно искуство”- изјави Костас Теодосијадис Генерален Директор на Веро.
Гудис ќе понуди оригинални бургери у вкусни специјалитети, користејќи внимателно избрани состојки со извонреден квалитет. Приказната за Гудис почна во 1975 година во Солун со воведување целосно нов концепт во бизнисот со брза храна. Од самиот старт Гудис стана препознатлив по единствените и оригинални менија креирани од страсните кувари. Разновидното мени, бескомпромисниот квалитет, грижата и љубовта за брендот се нивните клучни елементи за успех кои секојдневно им носат 500 000 потрошувачи. www.facebook.com/goodys.mk
До денес „Гудис“ важи за еден од водечките синџири за брза храна во Грција, со над 135 ресторани, пет на Кипар и еден во Тирана и Белорусија. Главна цел на компанијата за 2014 година е да отвори 20 ресторани на Бaлканот и источна Европа.
Добредојдени сте да го доживеете Гудис искуството во Веро-Центарот!
