„Bentley“ претстави специјална едиција на моделот „Mulsanne“ со која ќе му одаваат почит на Сер Хенри „Тигар“ Тим Биркин, добро познат возач на авто-трки од дваесетите и триесетите години од минатиот век.
Производството на овој модел ќе биде ограничено на само 22 возила и сите тие ќе бидат понудени во три бои на екстериерот. Сите возила ќе имаат 21-инчни алуминиумски тркала и ќе се испорачуваат со полочки за праговите со бројот на единици. Овој модел ќе поседува и одговарачки сет за багажникот и кој ќе биде индивидуално означен со број и рачно изработен.
Оваа специјална едиција исто така поседува и „Entertainment specification“ ниво на опрема со дуал 8 инчни „LCD“ екрани кои се поставени на задната страна на предните седишта. Тука е и „WiFi hotspot“, „DVD“ плеерот и „Naim“ системот на звучници, како и „iPad“ уредите кои се вградени во рачно изработените столови за пикник кои се направени од дрво.