На интернет беа објавени првите фотографии од прототиповите на „GTS“ верзиите на последните генерации на моделите „Cayman“ и „Boxster“, без маскирни фолии со кои обично се сокрива надворешноста на ваквите тест возила.
Како што е случајот и кај „GTS“ варијантата на „Panamerа“, „Cayman GTS“ и „Boxster GTS“ исто така се засновани на „S“ верзиите на овие модели, но со нешто помоќни мотори и подобрена шасија.
Стилските промени на надворешноста опфаќаат редизајниран браник со модифицирани отвори за воздух и нов заден дифузор. Прототипите се опремени со 19 инчни бандажи со зимски гуми, а продукциските верзии ќе имаат нови, 20 инчни алуминиумски бандажи.
Се очекуваат и помали промени во дизајнот на ентериерот, како што се новите колоритни шеми и материјали.
Во документот кој „процури“ во јавноста кон крајот на 2013-та година се наведува дека „Porsche Cayman GTS“ ќе има мотор со 340 ks, додека агергатот во „Boxster GTS“ ќе испорачува 330 ks.
Истиот извор открива дека двата „GTS“ модели ќе имаат премиера на саемот за автомобили во Пекинг во април 2014-та година, додека продажбата ќе започне во текот на летото.