Минатата година беше многу успешна за „Lamborghini“, што одлично се вклопи со фактот дека оваа компанија прославува педесет години постоење. Во текот на 2013-та година, овој италијански производител на автомобили продал 2.121 возила, а една година претходно тие испорачаа 2.083 единици.
Од тие 2.121 примероци, „Lamborghini Aventador“ забележа раст од 9 проценти во текот на 2013-та година во споредба со една година претходно.
Вкупно 1.001 единици од моделот „Aventador“ беа испорачани на купувачите ширум светот, две и пол години откако започна продажбата на овој модел, кој бележи фантастичен успех, па така за испорака на купе и „Roadster“ верзијата се чека до 12 месеци.
САД и натаму е најуспешен пазар за „Lamborghini“, бидејќи таму се испорачани 36 проценти од возилата, додека на второ место се наоѓа „EMEA“ регионот кој ги опфаќа Европа, Блискиот Исток и Африка, каде се испорачани 34 проценти од возилата, додека преостанатите 30 проценти заминале во азиско-пацифичкиот пазар.
