„IBM“ објави дека ќе инвестира 1,2 милијарди долари за изградба на 15 нови центари на пет континенти, со кои ќе ги прошири „облак“ услугите.
Центрите ќе се наоѓаат во Вашингтон, Мексико Сити, Далас, Кина, Хонг Конг, Лондон, Јапонија, Индија и Канада, а во 2015-та година компанијата ќе продолжи со Блискиот Исток и Африка. Така тие вкупно во оваа година ќе стигнат до бројката 40, а капацитетот на понудените „облак“ услуги ќе се удвои. „IBM“ ќе инвестира 2 милијарди долари во центрите во Далас за „облак“ системи за складирање – „SoftLayer“ кои ги здоби минатата година.
„Светската експанзија цели на нови пазари за привлекување на повеќе клиенти благодарение на услугите кои ги нуди „облакот““, се вели во соопштението на технолошкиот гигант.
Според компанијата до 2020-та година пазарот на „облак“ технологиите ќе порасне до 200 милијарди долари.
