За сите оние кои ја ценат приватноста на своите податоци, пристигнува смартфон уред, кој е токму тоа, а не производ на ниту една од водечките компании на овој пазар. Запознајте го „Blackphone“, вашето оружје против „NSA“.
Навистина се чини дека лошите работи кои може „NSA“ да им ги направи на корисниците на интернет, секојдневно се појавуваат во јавноста, но сега корисниците на интернет и телекомуникациски уреди можат да земат здив. Компанијата за безбедност „Silent Circle“ и компанијата која го произведува телефонот „Geeksphone“, се здружиле со Фил Зимерман, креторот на „PGP“ (Pretty Good Privacy), за да можат да направат смартфон уред, кој го шифрира секој податок во тој уред.
„Blackphone“ ќе има свој оперативен систем – „PrivatOS“ кој ќе биде базиран на „Android“.
Засега нема повеќе детали околу спецификациите на овој смартфон, па поради тоа треба да причекаме до февруари, кога се очекува „Blackphone“ да се најде во продажба и да се појават првите информации за овој уред.
