Кинескиот производител на мобилни телефони, компанијата „ZTE“ има големи амбиции на пазарот за смартфони. Ова го потврди нејзиниот потпретседател велејќи дека имаат за цел во оваа година да испорачаат 60 милиони смартфони.
Тој на истата конференција за печатот објави дека „ZTE“лани испорачале 40 милиони примероци, а во оваа година се надеваат да го зголемат уделот во Кина, но и на глобално ниво.
Оваа компанија веќе добро работи во Кина, а полека се пробива и во Европа и на некои други пазари.
Ова не е единствениот кинески производител кој се движи по овој пат, потсетуваме дека неодамна и „Xiaomi“ објави дека оваа година сака да ја дуплира својата испорака на паметни телефони од 20 на 40 милиони единици.
