Компанијата „Huawei“ го претстави својот нов „B199“, „Android“ смартфон како наследник на моделот „A199“ кој беше претставен во април минатата година.
Huawei претстави нов 5.5-инчен смартфон
Исто како и неговиот наследник, и „B199“ доаѓа со „dual-SIM“ поддршка, а иако за некој ден ќе се најде во продажба во Кина, за неговата меѓународна премиера се уште не е познато.
Новиот паметен телефон на овој кинески производител го одликува 5.5-инчниот екран со 720p резолуција, како и оперативниот систем „Android 4.3“. Што се однесува до хардверот, тука е „quad-core“ процесорот кој работи на 1,6 GHz (овој пат чипсетот на „Snapdragon“, а не на компанијата „K3V2 CPU“), 2 GB RAM, 16 GB интерна меморија, камера од 13 мегапиксели и батерија од 3000 mAh.
Според информациите кои пристигнуваат од Кина, овој смартфон би требало да чини околу 330 долари.