Откако минатата година беше претставена во Јапонија, новата генерација на „Hondа Fit“ сега на авто-саемот во Детроит ја доживеа и својата американска премиера.
Новиот „Fit“ меѓу останатото доби и модерен екстериер и пространа внатрешност, а во споредба со стариот модел новиот „Fit“ доби и подолго меѓуосовинско растојание.
Под хаубата се наоѓа 1.5 литарски „DOHC i-VTEC“ бензинец со 130KS и 155 Nm вртежен момент.
Американските купувачи ќе можат да одберат меѓу шестстепениот мануелен менувач и „CVT“ трансмисијата, а производството за северноамериканскиот пазар ќе се одвива во новата фабрика на компанијата во Мексико.