„Samsung“ го одбра Саемот за електроника во Лас Вегас за деби на најголемиот, според корејскиот производител, 4К телевизор со флекс екран.
Уредот се нарекува „U9000“ и огромниот екран цели кон додавање на длабочината до сликата. Корејскиот технолошки гигант претстави и широка серија на телевизори со ултрависока резолуција со 55, 65 и 75 – ични екрани во две варијанти – рамни и свиткани.
„Samsung“ прикажа и две серии на таблети, создадени за професионална употреба – 12,2 -инчен „NotePro“ и „TabPro“, достапен во 12.2, 10,1 и 8,4 -инчни верзии. И двата таблети се нудат со интерфејсот на „Samsung“ – „Magazine“, кој им овозможува на корисниците да работат со четири примени истовремено на еден екран.
Таблетите располагаат и со програми како „WebEx Meetings на Cisco“, „Dropbox“ и софтверот на „Samsung“ – „e – Meeting“, кој овозможува споделување на екранот со други уреди.
