Во изминатата година „Lenovo“ најави дека има амбиции да стане значаен играч на пазарот на паметни телефони во 2014-та година. Па така од компанијата не губат време за постигнување на таа цел и претставија 4 нови модели на паметни телефони кои ќе бидат понудени на меѓународните пазари.
Моделот „Vibe Z“ ќе е од највисоката класа на паметени телефони на компанијата. Тој ќе е со 5,5 – инчен дисплеј со 1080 пиксели, процесор „Snapdragon 800“ со брзина од 2,2 GHz и 2 GB RAM меморија, како и 13 – мегапикселна камера. Моделот ќе излезе на пазарот во февруари, а неговата цена ќе изнесува 549 долари и првично ќе се нуди на пазарите во Индонезија, Малезија, Тајланд, Саудиска Арабија, ОАЕ и Филипините.
Кинеската компанија лансираше на пазарот и два нови модели од серијата „S“ – „S930“ и „S650“. Првиот ќе е со 6-инчен дисплеј и резолуција од 720 пиксели и за 319 долари ќе се нуди на меѓународните пазари, каде што е претставена компанијата. Моделот „S650“ ќе располага со 4.7 -инчен дисплеј, 8 мегапикселна камера и 8 GB внатрешна меморија. Неговата цена ќе е 229 долари. И двата модела ќе се со оперативен систем „Android 4.2 Jelly Bean“.
Последниот модел кој беше предложен од компанијата ќе е најприфатлив. Тоа е моделот „A859“, кој ќе чини само 219 долари и ќе е со 8 мегапикселна камера и 8 GB внатрешна меморија. Тој ќе располага со 5-инчен дисплеј со резолуција од 1280 × 720 пиксели.