Мерцедес е симбол за успешна примена на напредната технологија во производството на автомобили. Сепак, германскиот гигант не запира на тоа и повторно секогаш е во потрага по нови решенија. Овој пат не станува збор за технолошки иновации во возилото, туку уред што треба да ги одржи заедно возачот и автомобилот, и кога тие не се во непосреден физички контакт. Тоа е паметен часовник, за кој луѓето од Meрцедес велат дека драстично ќе се промени односот на возачот кон автомобилот, и обратно.
Паметниот часовник на Мерцедес ќе му овозможи на возачот во секое време да ги има сите основни информации за автомобилот, како што е нивото на горивото, дали вратите се заклучени и слично.
Прототипот на овој интересен рачен часовник ќе биде претставени на претстојниот саем за електроника за широка потрошувачка во Лас Вегас.
Интересно е што часовникот ќе си ја вриши својата улога и кога возачот седи зад воланот на својот Мерцедес, бидејќи тоа навремено ќе испраќа корисни информации, како што се оние поврзани со потенцијални несреќи и опасности на патот или сообраќајниот метеж.
Мерцедес не е првиот производител на автомобили кој се заинтересира за оваа технологија бидејќи на Нисан веќе го претстави „Нисмо“, паметниот часовник за време на Саемот за автомобили во Франкфурт.
