„Samsung“ започна со продажба на гигантскиот 110-инчен телевизор кој има екран со ултра висока резолуција. Овој модел го надмина досега најголемиот „Samsung UHDTV“ кој имаше дијагонала од 85-инчи.
Телевизорот поради зголемените димензии (2,6 x 1,8 метри само на екранот) не е наменет за домашна употреба, туку за бизнис намени и за владини агенции. Нарачките за овој уред веќе започнаа на матичниот пазар на „Samsung“, а во период од два месеци продажбата ќе започне и во остатокот од светот.
Овој телевизор ќе биде изложен на јануарскиот саем „CES“. Исто така, компанијата најави и претставување на закривениот „UHDTV“ со дијагонала на екранот од 105-инчи.
