Познатиот американски сајт посветен на мотоцикли, „Motorcycle.com“, го објави својот традиционален список за најдобрите мотоцикли во годината што изминува.
Во категоријата „најдобар спортски мотоцикл“, минатата година го освои БМВ „S1000RR“, а титулата оваа година нема да си замине од Минхен, бидејќи му припадна на моделот „HP4“.
„HP4“ стигна на пазарот кон крајот на минатата година, а многу бргу стана јасно дека тоа е жестока машина, со мала тежина, со одлични времиња на тестирањето, електронска контрола на амортизацијата која се прилагодува, и затоа не треба да биде изненадување дека „баварецот“ дојде до оваа престижна награда.
Неговиот агрегат е непроменет во споредба со „S1000RR“, иако е многу моќен, не е тежок да се контролира и има високо оптимизирана потрошувачка. Не треба да ги заборавиме алуминиумски тркала, како и „Brembo“ сопирачките, кои можат многу лесно да го запрат овој мотоцикл.
Сепак, кога зборуваме за „HP4“, секогаш некако се доаѓа до неговата електроника – системот за контрола на пролизгувањето, кој и на релативно неискусните возачи ќе им обезбеди уживање додека возат. Додека динамичната контрола на амортизерите претставува фантастична иновација, која многумина со нетрпение очекуваат да ја видат и на евтините модели.
