Јужнокорејскиот гигант „Samsung“ e водечки производител на софтвер за безбедност на мобилните уреди, пред се за таблетите и паметните телефони, а тоа го покажаа резултатите од најновите истражувања на „ABI Research“.
Титулата „Samsung“ ја доби поради својот систем за безбедност – „Knox“ кој беше прикажан на „Mobile World Congress“ во Барселона.
Иако „BlackBerry“ и натаму е водечки кога станува збор за апсолутната безбедност, ако таа воопшто постои, „Samsung“ триумфираше во повеќе категории од својот конкурент.
На листата по компанијата „Samsung“, следат „Apple“, „BlackBerry“ и „Nokia“.
Меѓу деловните корисници на безбедноста на апликациите на паметните телефони и таблети, е се поважна од моментот кога во светот започна трендот „BYOD“ (Bring Your Own Device), односно од кога на вработените им се дава можност службените уреди да ги користат и за приватни работи.
