„Mercedes“ го претстави спортскиот пакет „AMG Line“ зa новата „C сlasѕ“, во пресрет на официјалната премиера на овој модел која е закажана за саемот на автомобили во Детроит во јануари 2014-та година.
Додека на пазарот кон крајот на 2014-та не се појави спортскиот „Mercedes C63 AMG“, купувачите кои сакаат нивната „C сlasѕ“ визуелно да има слични надоградувања ќе мораат да се задоволат со пакетот „AMG Line“.
Пакетот за унапредување на надворешноста на автомобилот вклучува различен преден браник и маска на ладилникот во „AMG“ стил и аеродинамички додатоци во должина на праговите на возилото.
Долниот дел на предниот браник е украсен со хромиран спојлер, а задниот браник е редизајниран така да ќе добие странични вертикални отвори во стилот на „AMG“.
Пакетот „AMG Line“ се заокружува со специјално дизајнирани 18 инчни алуминиумски бандажи.
Покрај тоа, вака опремената „C сlasѕ“ има и 15 mm пониска спортска суспензија во однос на стандардниот модел, како и подобрени сопирачки.