Најновото патролно возило кое на распологање го имаат полицајците во Дубаи е „McLaren MP4-12C“. Овој суперавтомобил им се придружи на скапоцените примероци на „Ferrari“, „Lamborghini“, „Aston Martin… кои веќе се наоѓаат во полициската гаража во овој град.
Флотата на службени автомобили на полицијата во Дубаи, која потсетува на колекција на супер-спортски автомобили на некој богаташ, доби нов член.
По „Lamborghini Aventador“, „Ferrari FF“, „Mercedes SLS AMG“, моделот „Bentley Continental GT Coupe“ и најскапиот од сите, „Aston Martin One-77“, во Дубаи пристигна уште еден вреден примерок. „McLaren“ на улиците ќе се појави во бела и зелена боја која е карактеристична за полицијата во овој град.
Исто како и другите слични модели, се очекува овој суперавтомобил повеќе да служи за туризам, отколку да биде користен за спроведување на оние кои го прекршуваат законот.
Потсетуваме, станува збор за автомобил вреден околу 300.000 евра, кој е опремен со 3.8 литарски V8 мотор со 625 ks (460 kW) и 600 Nm и кој може да развие 329 km/h.
