Во Ф1 тимот на Ферари веќе им здодеа да бидат постојано зад Ред Бул, па тие одлучија дополнително да ги мотивираат своите возачи за наредната сезона.
Всушност, доколку Раиконен и Алонсо следната сезона успеат од тронот да го симнат Фетел, двајцата ќе добијат како подарок примерок од најновиот суперавтомобил од Маранело – моделот „LaFerrari“.
И покрај фактот дека ограничената серија oд 499 примероци на „LaFerrari“ е веќе распродадена, компанијата е подготвена да изработи дополнителни два примероци за да ги награди своите возачи, нормално доколку успеат да триумфираат.
Само за потсетување, последната титула за Ферари во 2007-та година ја донесе Раиконен, а ако и следната година останат со празни раце, ова ќе биде вториот најлош низ по 15-годишната пауза помеѓу 1984-та и 1999-та.
