Американците потрошиле 5,4 милијарди долари во 2013-та година за да ги заменат своите стари телефони „iPhone“ со понови модели, соопшти „MarketWatch“, повикувајќи се на истражување на интернет страната „SellCell.com“.
За менување на своите паметни телефони, Американците секоја година трошат милијарди долари. Студијата покажа дека една четвртина од населението на САД ( 23% ) си купува нов телефон секоја година.
Честата промена на технолошките „гаџети“, се должи во голема мера на политиката на мобилните оператори кои нудат преференцијални заеми со опција да се замени стар телефон со нов модел. Некои оператори нудат двегодишен договор, со кој можете да го менувате телефонот со нов на секои шест месеци, но доколку сте исплатиле 50% од износот.