„Microsoft“ на својот блог објави дека исклучително популарната игра „Temple Run 2“ е лансирана за платформата „Windows Phone“. Играта сега доаѓа и за „Xbox Live“ достигнувањата, што е сосема ретко за бесплатните игри.
Оргиналната верзија на „Temple Run“ многу време доцнеше со верзијата за „Windows Phone“, а претставена е дури 18 месеци по лансирањето на верзијата за „iOS“ оперативниот систем. Овој дел, „Temple Run 2“ пристигнува осум месеци по верзиите за „iOS“ и „Android“.
„Temple Run 2“ обезбедува добра графика, нови препреки, нови надоградувања во играта, моќи специфични за секој лик и веќе споменатите „Xbox Live“ достигнувања кои дополнително ќе го засилат натпреварувачкиот дух кај играчите.
Според информациите од компанијата, играта „Temple Run 2“ за „Windows Phone 8“ корисниците е бесплатна и веќе е достапна преку продавницата „Windows Phone“.
