Популарниот плеер „Winamp“ можеби и понатаму ќе продолжи да постои. Неговиот сегашен сопственик „AOL“ е на чекор од изнаоѓање на купувач на популарната апликација и неговите веб услуги, соопштува технолошкиот блог „TechCrunch“.
Минатиот месец „AOL“ објави дека ќе прекине со надоградувањата на „Winamp“ на 20-ти декември годинава. Компанијата сметаше дека не е потребно да продолжува да вложува средства во плеерот и неговите веб услуги.
Во тоа време, сепак се појавија компании кои се заинтересирани за можноста да се здобијат со „Winamp“. На крајот на ноември се појави името на „Microsoft“, но потврда од овој технолошки гигант се уште не се појави.
Изворите на „TechCrunch“ дополнуваат дека „Winamp“ нема да биде сопрен додека течат преговорите со потенцијалните купувачи. Еден од нив е силно заинтригиран и зделката е многу веројатна, што практично ќе го спаси Winamp и може да му даде нови можности за развој.
