„Lamborghini“ ги објави првите фотографии и технички детали од моделот „Huracan“ кој ќе претставува замена за „Gallardo“.
За моделот „Huracan“ во медимите многу се шпеклираше, со оглед на тоа што „Lamborghini“ досега не беше подготвен да ги открие официјалните детали. Првите информации посочија дека автомобилот ќе го добие името „Cabrera“, а од неодамна беше откриено дека наследникот на „Gallardо“, сепак ќе се нарекува „Huracan“.
Фотографиите откриваат дека станува збор за автомобил со значително современ дизајн во однос на претходникот кој беше претставен далечната 2003-та година, но и дека не е нарушен специфичниот стил на „Lamborghini“.
Предниот дел на „Huracan“, со новиот обилик на фаровите, спуштениот „нос“ и големите отвори за воздух, допринесуваат автомобилот да изгледа поагресивно во однос на моделот „Gallardo“.
Лаковите на тркалата се значително нагласени, а отворите за воздух пред задните тркала се помали и се поставени пониско во споредба со претходникот.
Позади се истакнуваат модерно обликуваните стоп-светла, целосно променетиот дизајн на браникот и двата пара на издувни цевки. Како што се очекуваше, „Huracan“ ќе добие погон од 5.2 литарскиот V10 мотор.
Од „Lamborghini“ соопштија дека агрегатот испорачува 610 ks (448 kW) при 8.250 o/min, додека максималниот вртежен момент од 560 Nm ќе биде достапен на 6.500 o/min.
Слушнете го звукот на овој мотор на видео снимката која ја објави „Auto Bild“ на својот „YouTube“ канал:
Автомобилот тежок 1.422 kg ќе забрзува од 0 дo 100 km/h зa 3,2 секунди, а за да ја достигне брзината од 200 km/h ќе му биде потребно 9,9 секунди.
Снагата од моторот ќе се пренесува на сите четири тркала со помош на автоматскиот менувач со двојно квачило, а возачите при управувањето на располагање ќе имаат три начини: „strada“, „sport“ и „corsa“. „Huracan“ стандардно ќе биде опремен со керамички сопирачки.
Сите неопходни информации во текот на возењето ќе се добиваат по пат на „TFT“ екранот кој ја замени класичната инструмент табла.
Почетокот на продажбата и цената на „Lamborghini Huracan“ ќе бидат познати пред неговата официјална премиера која е закажана за март 2014-та на саемот во Женева.
Какви се вашите први впечатоци од „Lamborghini Huracan“?