Компанијата „Nokia“ наводно ги отфрлила плановите за развој на смартфон кој ќе го користи оперативниот систем на „Google“ – „Android“.
Фотографија на уред со кодно име „Normandy“ со „OS Android“ пред извесно време се појави на интернет, но плановите за неговиот развој се отфрлени.
Наместо тоа „Nokia“ ќе се фокусира на преносните уреди, флексибилните екрани и слично.
„Normandy“ требаше да користи модифицирана верзија на „Android, софтвер сличен на оној кој го користи таблетот на „Amazon“ – „Kindle Fire“, a според првичните информации овој телефон требаше да ја замени линијата на смарфтони „Asha“.
Се уште не е познато дали плановите на „Nokiа“ да влезе на пазарот со „Android“ се отфрлени поради тоа што оваа компанија ја купи „Microsoft“.
Инаку, паметниот телефон „Normandy“ се очекуваше да се појави на пазарот во 2014-та година.
